மழைக்கால நோய்களை சமாளிப்பது எப்படி?

• மழைநாட்களில் குடை அல்லது ரெயின்கோட் எடுத்துச் செல்லவும், வீட்டுக்குள் நுழைந்ததும் சுடுநீரில் கை, கால்களைக் கழுவவும்.
•  வெதுவெதுப்பான நீரில் குளிக்க வேண்டும். கை, கால்களை சோப்பு போட்டுக் கழுவி  வைத்துக்கொள்ள வேண்டும்.
• எப்போதும் சுத்தமாக பத்து நிமிடங்களுக்கு கொதிக்க வைத்து ஆறவைத்து வடிகட்டிய தண்ணீரையே குடிக்க வேண்டும்.
• அடிக்கடி தலைக்குக் குளிப்பது, குளிர்பானங்களைக் குடிப்பது, ஐஸ்கிரீம் சாப்பிடுவதைத் தவிர்க்கவும். 
• ஈக்கள் மொய்த்த உணவுகளை தவிர்க்கவும்.
• சமைத்த உணவுகளையும், குடிநீர் பாத்திரங்களையும் மூடி வைக்கவும்.
• வெளியிடங்களிலும் சாலையோர உணவகங்களிலும் சாப்பிடுவதைத் தவிர்க்கவும்.
• இருமல், தும்மல் வரும்போது கைக்குட்டையால் முகத்தை மறைத்துக்கொள்ளவும்.
• கொசுக்களைக் கட்டுப்படுத்த கொசு வலையைப் பயன்படுத்தலாம்.
•  உடல் முழுவதும் மறைக்கிற உடைகளை அணியலாம்;
• கொசு விரட்டிகளையும் கொசுவை விரட்டும் களிம்புகளையும் பயன்படுத்தலாம்.
• வீட்டைச்சுற்றி தண்ணீர் தேங்காமல் பார்த்துக்கொள்ள வேண்டும். 
• வீட்டுச் சுவர்களில் டி.டி.டி. மருந்து தெளித்தால் கொசுக்கள் ஒழியும்.
• தெருக்களில் வாரம் ஒருமுறை கொசு மருந்து தெளிப்பதும் முக்கியம்.
• தெருக்களைச் சுத்தப்படுத்தி பிளீச்சிங் பவுடர் தூவினால் ஈக்கள் வராது.
• மழைக்காலத்தில் அவசியம் செருப்பு அணிந்துதான் தெருக்களில் நடக்க வேண்டும்.
•  மழைக்காலத்தில் எண்ணெய்ப் பண்டங்களையும் அசைவ உணவுகளையும்

குறைத்துக்கொண்டுஆவியில் அவித்த உணவுகளை அதிகரித்துக்கொண்டால் செரிமானப் பிரச்னைகள் வராது.

சத்தான காய்கறிகள், பழங்கள், சூப்புகளைச் சாப்பிட்டால் நோய் எதிர்ப்பு சக்தி கூடும். இதன் பலனால் மழைக்கால நோய்கள் நம்மை அண்டவிடாமல் பார்த்துக்கொள்ளலாம்.