எனக்கு வயது 47. திருமணமாகி 20 ஆண்டுகளாகிறது. சமீப காலமாக ஆண்மைக் குறைபாடு இருப்பதாக உணர்கிறேன். இதை சரி செய்ய என்ன மாத்திரை சாப்பிட வேண்டும்.
-டி.சுந்தரராமன், கள்ளக்குறிச்சி
எல்லாவற்றுக்கும் மாத்திரை சாப்பிட்டால் போதும் என்று நம்பக்கூடாது. உங்களுடைய பிரச்னைக்கான காரணத்தை கண்டறிந்து அதற்கு ஏற்ப சிகிச்சை பெற வேண்டும். ஆண்மைக் குறைபாட்டை நீக்க பலவழிமுறைகள் உள்ளன. உங்களுக்கு எது பொருத்தமானது என்பதை மருத்துவர்தான் உறுதி செய்ய வேண்டும்.
- மருத்துவரின் தீவிர நேர்காணல் மற்றும் பரிசோதனைகளுக்குப் பிறகு மருந்து மாத்திரை எடுத்துக் கொள்வது.
- வாழ்க்கை முறையில் மாற்றம் செய்து கொள்வது (உடற்பயிற்சி செய்வது, புகைப்பழக்கத்தை கைவிடுவது).
- வாக்யூம் கருவி மூலம் ஆண்மை எழுச்சி உண்டாக்குவது.
- உளவியல் ரீதியிலான கவுன்சலிங் பெறுவது.
